大瀛喜日本料理 (已結業)

一入到去就有服务员嚟带位，服务几好，上菜速度快，又无漏单，值得加分。环境都过得去，卡位坐满四个人都唔会话好逼，只系灯光偏暗同偏黄，可能系因为格调而特登咁拣，但系食物油左一层黄色，有Ｄ影响食物外观。至于食物质素，起码食落无怪味，三文鱼有返三文鱼味，大部份食物都算符合预期。特别要赞嘅系佢地个烧鳗鱼，平日食放题都唔系间间有鳗鱼食，而呢间嘅鳗鱼都做得唔错，而且佢地仲有其他好食嘅海鲜可以拣，蒜香焗虾，同蓝青口都值得一试再试。当日食嘅野唯一就系烧牛脷可能烧得耐左，食落又干又韧。食到最后都唔够饱就叫左个黑豚响铃辣酒锅，食落有小小酒香，而且辣味都够，食厌左普通牛肉锅嘅话可以试下。整体呢讲，虽然唔系物超所值，但比起出面其他放题就合格有余。