米串咀 (已結業)

间唔中经过依间「米串咀」都见到唔少人排队，今晚谂住买啲野返屋企加𩠌就入去买左份「水煮牛肉」同8串麻辣烫。佢地最大既卖点我谂就系佢哋既主食同埋饭系会用罐头形式咁包装，应该咁样保温会比较好。「水煮牛肉」：原本其实想食「重庆鸡煲」，但6点几已经卖晒就拣左「水煮牛肉」。打开盖已经闻到果阵川辣味，辣油同花椒都几多下。$55黎讲，份量算唔错，牛肉都非常嫩滑，但唔食得辣既朋友仔就可能唔太岩食，因为都算几辣下😆「麻辣烫」：「麻辣烫」既款式个人觉得几丰富，而味道就有红油麻辣味同藤椒味俾大家选择，食左水煮既关系就拣左藤椒味，藤椒食落都几有椒香，但就唔算辣，所以想过下四川瘾既朋友仔不妨试下。