霸王山莊

营业中

休息中

等裁缝度身造西装，脑内浮现云吞鸡，谂谂下不如食霸王山庄。铺头面积算大，感觉开扬，不过被安排坐风口位置，硬系有啲唔舒服咁。例牌都够 3-4 人食。汤色呈淡奶白，味道鸡鲜菜甜，金华火腿带咸香，而且有四粒大大粒云吞。松子鱼一大条已去鱼骨，食落啖啖肉，肉厚皮薄又香口，怕腥既朋友完全可以放心。甜酸酱浓稠度很好，包住鱼肉同配料。配料中以桃代替菠萝，香甜得黎又更配合鱼肉质感，松子虾仁三色椒就提供另一种口感，较爽脆。云吞鸡有啲贵但松子鱼禁大条系几抵食，总括黎讲味道唔错，综合价位正常。