釜山炸雞批薩

营业中

休息中

入马鞍山同屋企人庆生，寿星女话想喺屋企食开Party，仲话想食韩国嘢，咁我就系佢屋企附近，揾咗呢间 ～釜山炸鸡批萨 Busan Chicken Pizza～。餐厅系小店经营， 见到全场爆满，好彩我系外卖啫。食韩国野点少得炸鸡🐓，咁多口味又想试哂，梗系叫五味炸鸡，可以一次试哂咁多款口味，有原味/双重芝士🧀/特色甜辣/蜜糖🍯芥末/洋葱蛋黄，啱哂屋企人唔同人口味。炸鸡香脆，肉质嫩滑。呢度啲午餐Set 都几正。炸酱面，面身烟韧粗身，但汁香浓甜甜地。酱油猪肉🐖便当，呢个便当好丰富呀，除左好啱𩠌饭既酱油猪肉之外，仲有啲小食，肠仔、甜蛋、鱼饼、沙律🥗、泡菜、腌鱿鱼，份量好多。人参鸡汤配白饭，人参味浓，望落去仲有半边鸡，真材实料，呢个爸妈好喜欢。👍泡菜煎饼，少少辣，外脆内软。送既酸白萝卜同黄萝卜都好好好食。