Mee...lemongrass (將軍澳中心) (已結業)

最近外出唔方便 唯有系屋企附近揾下啲好野食 将军澳中心最近装修完 今日终于得闲去试下新开既铺头！去到将中二楼果然咩野食都有 元气 老妈拌面 西餐...而呢间泰国菜算多人排队 等左大概五至十分钟已经有位 都算快！我嗌左海南鸡饭+海南鸡喇沙两个餐 另外加$14 升级做特色饮品 分别叫左白桃乌龙&芒果芝芝 海南鸡饭系招牌主食 果然名不虚传 啲鸡好滑而且唔肥 而个餐配既例汤系老火汤咁 饮唔停口🤭相反喇沙冇送例汤同菜 喇沙味虽然唔算传统个种味 但都系大众岩食既口味 唔会好重口味而小食同甜品方面叫左鸡翼同埋芒果糯米饭..鸡翼食落唔油 而且咬落有肉汁🤤芒果糯米饭个人比较中意雪冻先食 外形黎讲好特别 系寿司🍣咁既样 好得意😍整体黎讲呢间餐厅值得再食！