有蒸氣 海鮮石鍋專門店 (已結業)

今日朋友话带我去食海鲜谂住会系啲好好近地铁站嘅地方但系行左阵都未到 开始心里面有少少埋怨 直到佢行到去某间酒店我以为佢带我去酒店食海鲜原来系酒店对面 呢度虽然位置较上但系一个角落就已经有唔少餐厅好似一个隐世嘅美食圣地咁一入到去有接待员好礼貌咁欢迎我哋上楼上 坐低职员都有善介绍我哋睇睇餐牌虽然好多人都会拣粥底火锅但系我哋就想主要食海鲜所以就拣咗呢个冬瓜盅汤底 呢个套餐都包括唔少食物 我哋食咗个黑松露蒸蛋 好嫩滑 加少少黑松露多左香味之后就食咗蚬同虾 都好新鲜 唔调味就咁食都好有鲜味每人有半只蟹 我哋两个人就系一只啲蟹蒸得啱啱好非常鲜甜之后到鲍鱼 个鲍鱼时间亦都非常之适中 食落去完全系有爽爽口感得嚟唔会好硬 轻轻咬都已经可以 呢间餐厅能够拿捏到海鲜嘅时间令到海鲜嘅鲜味非常突出肉质亦都唔会变"鞋"食完蒸海鲜之后就有豚肉,美国桶蚝同埋手打丸 加落去个冬瓜盅度虽然每样份量唔多 但系咁多种海鲜同食物 食下食下就非常饱肚 再以呢个冬瓜盅汤底作个结尾食得好舒服 好满足