越色牛肉粉餐廳 (已結業)

暴雨底下，谂住揾间近屋企嘅地方食晚餐，平时成日经过但系都冇行入嚟试，今日有机会啦。记得之前越色喺登龙街都开过，不过我以前都未试过。环境座位都算唔错，有啲越南餐厅，有好大浸鱼露嘅气味，但系越色无，呢个环境底下食都食得开心啲啦！餐牌方面选择众多，大多数喜爱嘅菜式都系晒度。呢支梳打水好熟口面㖞，好似去泰国𠮶阵时都有饮过，够晒气有够冻，食越南餐一定要叫柠檬梳打。香茅鸡扒，鸡扒肉质鲜甜，香茅味十足，配埋蒜片同埋葱粒，份量足够两个人食都可以。呢个汤底令我谂起以前系外国读书时候食嘅一间越南餐厅嘅味道。系啦，越南粉就系应该呢一个汤底嘅味道。汤底清甜，味道不太浓但系又不失应有嘅越南粉汤底嘅元素。河粉方面我拣咗错嘅越南河粉，都几好呀有得拣粗或幼。粗身河粉比较soft 啲，煮得刚好本来我哋仲想叫炸春卷，但系已经一早沽清了，有点失落，因为食越南粉一定要食炸春卷先叫做完美不过佢哋尽责嘅员工已经同我地讲咗唔好意思。