影片
更多
2016-12-22
894 浏览
之前见网上啲人介绍食蒸海鲜，但一直都未食过，早几日终于同家人去咗新蒲岗潮福蒸气石锅食好西了。首先，呢间潮福蒸气石锅系采用任食制的，但当然海鲜唔系任食啦，其他食物例如手打丸、蒸鸡等等就系任食的。一坐低，拣好粥底、炖汤同海鲜后，就有专人来帮我地整定个粥底，我哋拣咗瑶柱鲜淮山粥底，不过个粥底系等最后吸收晒海鲜同其他食材嘅精华之后先可以食的。我拣咗个老黄瓜炖排骨汤，好清甜又足料，好好饮。之后，每人仲有半只生猛蒸龙虾，只龙虾俾人斩开一半之后都仲系郁下郁下，劲新鲜劲夸张，蒸出来之后好鲜甜，d肉好结实，同d所谓高级酒店自助餐食𠮶啲冻冰冰又冇鲜美嘅龙虾完全唔同。之后仲有几只蒸大蚬、青口等，一样系好鲜甜，然后每人仲有半只乳鸽，劲滋味～顺带一提，呢度每蒸一样食材，都系会有专人同你较啱个时间，所以蒸出嚟嘅食物唔驶惊因蒸得太熟而变老。到主菜石锅蒸海鲜了，大元贝好大只又鲜美、蒜蓉象拔蚌惹味又爽口，蒸美国石蚝劲大只，啖啖都系肉，蒸鲍鱼都系啱啱好，劲鲜甜，比一般街市买到的size大得多。除此之外，仲有任食嘅虫草花蒸鸡、猪颈肉、和牛粒、手打虾丸、猪肉丸、牛丸、酿豆卜、酿花菇、马拉糕、杂菜等等，一定够食得饱！个人推介手
首先，呢间潮福蒸气石锅系采用任食制的，但当然海鲜唔系任食啦，其他食物例如手打丸、蒸鸡等等就系任食的。一坐低，拣好粥底、炖汤同海鲜后，就有专人来帮我地整定个粥底，我哋拣咗瑶柱鲜淮山粥底，不过个粥底系等最后吸收晒海鲜同其他食材嘅精华之后先可以食的。
我拣咗个老黄瓜炖排骨汤，好清甜又足料，好好饮。之后，每人仲有半只生猛蒸龙虾，只龙虾俾人斩开一半之后都仲系郁下郁下，劲新鲜劲夸张，蒸出来之后好鲜甜，d肉好结实，同d所谓高级酒店自助餐食𠮶啲冻冰冰又冇鲜美嘅龙虾完全唔同。
之后仲有几只蒸大蚬、青口等，一样系好鲜甜，然后每人仲有半只乳鸽，劲滋味～
顺带一提，呢度每蒸一样食材，都系会有专人同你较啱个时间，所以蒸出嚟嘅食物唔驶惊因蒸得太熟而变老。
到主菜石锅蒸海鲜了，大元贝好大只又鲜美、蒜蓉象拔蚌惹味又爽口，蒸美国石蚝劲大只，啖啖都系肉，蒸鲍鱼都系啱啱好，劲鲜甜，比一般街市买到的size大得多。
除此之外，仲有任食嘅虫草花蒸鸡、猪颈肉、和牛粒、手打虾丸、猪肉丸、牛丸、酿豆卜、酿花菇、马拉糕、杂菜等等，一定够食得饱！个人推介手打虾丸，好弹牙同有鲜味，食得出系落足料手打嘅👍🏻👍🏻👍🏻
仲有，饮品都系任饮，啤酒、竹蔗水、汽水等等任拣，当然都仲有热茶供应啦！
到最后，仲有个吸收晒不同食材嘅精华嘅粥底可以食埋，个粥因为煲左好耐，好棉好好味～～总括而然，我觉得呢间潮福蒸气石锅overall嘅食物水准都好高，侍应生服务亦好好，以后又多一个开饭嘅好地方了。
张贴
