炯記燒味 (坤成樓)

营业中

休息中

久不久嘅家庭聚会，人多就自然要斩料上去，是日刚好经过荃湾街市街炯记，知道佢地嘅烧味唔错，就打算买啲叉烧同烧鸭上去一齐食啦。呢度每日都有唔同嘅烧味特价，是日叉烧特价， $55 半斤，$108 一斤。叉烧：我地买左半斤叉烧，因为有小朋友同怕肥人仕，所以同师傅讲左叉烧要偏瘦。叉烧色泽好靓好吸引，边位微㶶，食落焦脆可口，偏瘦嘅叉烧食落无咁大罪恶感，肉质唔算太鞋，配埋秘制蜜汁，食落非常惹味。烧鸭下庄： 烧鸭有得拣上庄或下庄，下庄只系贵两蚊。下庄好靓，皮脆肉嫩，鸭味香浓，食落啖啖肉，肉质唔会好鞋，配埋酸梅酱，酸酸甜甜嘅味道简直令我地回味无穷。