炑八韓烤 (荃新天地2)

营业中

休息中

叹冷气食韩烧确系爽嘅，晚饭唔想同人迫，呢度绝对系好选择，因为舖面又大又多位。由门口到坐低食嘢，有种好有乐趣嘅感觉。前菜除咗有泡菜、薯仔沙律、仲有豆角、芽菜同酸萝卜之类，一d都唔hea。烧肉有油脂最香最肉香，牛五花入口juicy，五花腩d肥膏香夹烟韧，用菜包住食一流。大八爪鱼同韩式红虾都几正嘅，一边烧八爪鱼，一边闻到鱿鱼酥味。少少辣几惹味，但略嫌咸左少少。红虾烧起上嚟好香bbq同虾膏味。料理方面泡菜煎饼同韩国水冷面都几抵食，煎饼4个人都够食，水冷面冰凉酸酸地，韩烧同水冷面、梳打，绝配。