薈軒 (已結業)

今日下午我们约咗个客喺湾仔合和中心嘅「荟轩」见面，顺便一齐饮下午茶！我们叫咗皮蛋瘦肉粥嘅粥底煲得好绵，材料好足料，皮蛋好甘香软滑！川芎白芷炖鱼云系我们每次嚟都必叫㗎，因汤底嘅相当甘甜浓郁，鱼云嘅肉质相当鲜甜嫩滑，而且份量十足！黑糖姜汁糕嘅质感非常烟烟韧韧，黑糖同姜汁嘅比例恰到好处，虽然第一啖食落去就有好清香嘅姜汁味，但慢慢就会渗透出香甜嘅黑糖味，真系好正呀！鸳鸯流沙包就咁睇表面以为系平平无奇嘅包，点知撕开一半就令我们非常惊喜，因馅料除咗有奶黄流沙之外，仲有芝麻流沙，味道相当香甜浓郁，而且非常夹，唔会有怪怪嘅感觉！肚皇海鲜扎同平日食开嘅鸡扎唔同，除咗材料系用嫩滑嘅鱼肉、爽口弹牙嘅虾滑同蟹柳之外，用嚟包扎著嘅唔系一块腐皮，而系用粉丝，感觉好特别，而且创意十足！贵妃素翅饺嘅饺皮相当薄身，因为馅料有木耳同红萝卜丝，所以口感相当爽脆！