Patisserie Tony Wong (已搬遷) 新店位置

记得有一次生日，屋企人去咗呢一间蛋糕店买生日蛋糕。上次买咗一个芒果拿破仑蛋糕，我仲记得蛋糕上面有几多用芒果砌成嘅花，另外仲有一啲朱古力条同金箔装饰个蛋糕。底层系拿破仑，拿破仑中间有好多嘅吉士酱，同埋脆卜卜嘅饼。先讲下啲芒果，芒果系用糖水浸过，就算芒果酸的话，食落口都唔会太难入口。佢多数啲芒果本身都系甜甜地，就算唔加糖都几好食。讲埋个饼底啦，个饼底嘅吉士酱好香滑，配埋落个拿破仑饼𠮶度真系一流。整体嚟讲成个蛋糕都好好食，美中不足嘅系价钱比较贵。听讲师傅系大酒店嘅厨师，所以收得贵一啲都会系合理的。