GUM "JENG!" X 御前上茶 (已結業)

今晚我们食完晚饭去咗旺角广华街嘅「御前上茶」食晚后甜品！我们叫咗海胆葱花鲔鱼蓉茶渍饭嘅汤我们拣咗鲣鱼汤，一上碟𠮶阵店员会帮我们将啲鲣鱼汤倒入饭，味道好清香，海胆同鲔鱼蓉好新鲜，鲜甜嘅味道令到淡淡嘅茶渍饭更加鲜味，鲔鱼蓉嘅质感相当软滑，而且份量都算多！御前综合圣代嘅顶层系烟韧弹牙嘅白玉同霜淇淋，而霜淇淋我们就拣咗抹茶味，味道好浓郁，第二层系香脆嘅甜脆麦，第三层系淡香滑溜嘅御前豆腐，第四层系香甜嘅红豆，而底层系抹茶冻，但抹茶嘅味道比较淡，唔系好浓郁！因为妈咪超钟意食烟烟韧韧嘅白玉，所以我们另外再叫咗个白玉团子，他们将白玉整成一串串，再将啲黄豆粉洒喺上面，之后再沾埋抹茶味嘅糖浆一齐食，真系好正呀！