牛舞日本燒肉‧涮涮鍋放題 (利舞臺廣場)

营业中

休息中

食肉獸好耐冇試過咁放肆！今晚真係食咗勁多和牛！有圖有真相，啲和牛真係勁高質，油花非常豐富，入口即溶，齒頰留香😋一開始嘅薩摩和牛拼盤已經勁豐富，有齊唔同嘅部份，每一件都油花十足！我食燒肉鍾意配埋飯，呢度仲可以自製紫菜飯，無限添加🙌🏻🙌🏻🙌🏻除咗燒肉，套餐仲包咗壽喜燒，師傅會即席煮俾你食，甜甜地嘅壽喜燒汁幾好味。食完咁多肉都有啲漏，食返啲蔬菜就剛剛好。除咗肉類，我encore咗好多次白鱔😂 燒鱔真係好食，夠晒厚肉又爽脆，必食推介！呢度仲有好多飲品任揀，甜品雪糕都好多選擇。不過我哋已經用晒所有quota食肉😂 飲杯咖啡就夠。