牛舞日本燒肉‧涮涮鍋放題 (利舞臺廣場)

营业中

休息中

食肉兽好耐冇试过咁放肆！今晚真系食咗劲多和牛！有图有真相，啲和牛真系劲高质，油花非常丰富，入口即溶，齿颊留香😋一开始嘅萨摩和牛拼盘已经劲丰富，有齐唔同嘅部份，每一件都油花十足！我食烧肉钟意配埋饭，呢度仲可以自制紫菜饭，无限添加🙌🏻🙌🏻🙌🏻除咗烧肉，套餐仲包咗寿喜烧，师傅会即席煮俾你食，甜甜地嘅寿喜烧汁几好味。食完咁多肉都有啲漏，食返啲蔬菜就刚刚好。除咗肉类，我encore咗好多次白鳝😂 烧鳝真系好食，够晒厚肉又爽脆，必食推介！呢度仲有好多饮品任拣，甜品雪糕都好多选择。不过我哋已经用晒所有quota食肉😂 饮杯咖啡就够。