紅蔥頭 (已結業)

今日喺傍晚时间我们喺旺角做完嘢之后去咗朗豪坊行吓，睇吓去边间食店食晚饭？因有大部份嘅食店我们都有食过，所以想揾间之前未食过嘅，行到去比较高层见到呢间「红葱头」系未食过，而且所以我们就决定入去食晚饭！我们叫咗铁板西冷牛扒、铁板薄西冷拼猪扒同铁板薄西冷拼鸡扒嘅份量超足料大份，西冷牛扒嘅肉质非常松软嫩滑，肉味亦相当浓郁，而且系我们最钟意嘅厚切，真系好正呀！至于薄西冷虽然系比较薄身，口感唔算好丰富，但肉质都好软滑！猪扒嘅肉质相当松化，唔会煎到过咗火令到水份流失而变到硬实实，真系值得一赞！鸡扒嘅肉质好鲜嫩，而且表面煎到色泽好金黄香口！罗宋汤真系落足材料去煮，所以汤底嘅味道系极之鲜味浓郁，真系超正呀！牛油法包好酥脆香口，除咗有淡淡嘅牛油香味之外，仲有香草嘅味道！