大井町日式放題 (已結業)

由于之前嚟食过觉得几好，所以今晚我们特意带咗朋友去咗荃湾大鸿辉中心嘅「大井町日式放题」晚市放题！上一次嚟食系喺晚市先有，本人嘅至爱海胆可以任食优惠，但今晚已经转咗系牡丹虾，亦系本人嘅另一至爱！我们叫咗个杂锦刺身拼盘，当中最吸引嘅就系超新鲜大只嘅牡丹虾，肉质极之爽甜弹牙，味道超级鲜甜！蟹肉蒸蛋蒸得非常滑溜，蒸嘅时间火候控制得恰到好处！冰头渍「三文鱼头软骨」系我们第一次食，质感好爽脆弹牙，配上和风柚子醋一齐食，感觉好清新醒胃！另外有自助沙律同甜品吧，当中最惊喜同吸引到我们嘅系自家制日式和菓子，造型卖相极之精致同色彩缤纷，食落嘅口感超烟烟韧韧，而且唔会有好甜同好腻嘅感觉！