影片
更多
2022-09-03
2544 浏览
🔅Sushi sase 鮨佐瀬 🔅中环🔅Omakase🔅父母荣休，于是决定同佢地食餐超好食嘅寿司厨师发办去贺一贺佢！蔡澜话厨师发办系渣野，我就唔同意，我仲觉得超开心，事关我只食鱼、男朋友唔食虾、妈妈唔食鱼、爸爸咩都食，如果唔系有厨师发办，我系唔知点样令所有人happy！😂Sase师傅9月会离开香港，所以要好好把握机会食佢主理嘅餐厅🫶🏻 师傅来自北海道，所以最主要食材系来自北海道！今餐用料非常新鲜同高质，真系惊艳全场！Mini Omakase set 系包括～一个前菜、5个刺身、一个熟食、5款寿司，同埋一个甜品～每人$1050～以食物质素黎讲，我依然觉得系超值！以下介绍并唔系一个full set，因为我地太嘴刁，所以真系每个人都有啲野唔同！🫶🏻 前菜系北海道冷面（绿色）同鱼面（白色）配鲜虾同玉米笋！两种冷面放埋一齐令人立即感受到冷面嘅分别，鱼鲜味同口感都好特别！🫶🏻 刺身本人最爱当然系拖罗！师傅准备俾我地嘅系 Kama Toto，系蓝鲸吞拿鱼最矜贵嘅部份，大概系颈、下巴嘅位置～有两种食法，一种配wasabi同白萝卜蓉；一种轻轻炙过，入口即溶，而油脂真系系口腔旋转，超级好食，食完真系极度不
父母荣休，于是决定同佢地食餐超好食嘅寿司厨师发办去贺一贺佢！蔡澜话厨师发办系渣野，我就唔同意，我仲觉得超开心，事关我只食鱼、男朋友唔食虾、妈妈唔食鱼、爸爸咩都食，如果唔系有厨师发办，我系唔知点样令所有人happy！😂
Sase师傅9月会离开香港，所以要好好把握机会食佢主理嘅餐厅🫶🏻 师傅来自北海道，所以最主要食材系来自北海道！今餐用料非常新鲜同高质，真系惊艳全场！
Mini Omakase set 系包括～一个前菜、5个刺身、一个熟食、5款寿司，同埋一个甜品～每人$1050～以食物质素黎讲，我依然觉得系超值！
以下介绍并唔系一个full set，因为我地太嘴刁，所以真系每个人都有啲野唔同！
🫶🏻 前菜系北海道冷面（绿色）同鱼面（白色）配鲜虾同玉米笋！两种冷面放埋一齐令人立即感受到冷面嘅分别，鱼鲜味同口感都好特别！
🫶🏻 刺身
本人最爱当然系拖罗！师傅准备俾我地嘅系 Kama Toto，系蓝鲸吞拿鱼最矜贵嘅部份，大概系颈、下巴嘅位置～有两种食法，一种配wasabi同白萝卜蓉；一种轻轻炙过，入口即溶，而油脂真系系口腔旋转，超级好食，食完真系极度不舍
北海道鲜蚝，见到爸妈食得津津有味，蚝嘅size比个口更大，鲜甜，好想encore！轻轻配豉油同葱，已经非常惹味，正！
北海道雪场蟹肉刺身～ 师傅起好蟹肉，鲜甜好食，作为起手式第一碟好开心
甜虾刺身！爸妈食过，我见到size大块好多，亦好滑溜咁入到佢地个口😂
鱼方面，我亦食左池鱼、深海池鱼、野生油甘鱼、铿鱼！每一样都配上唔同豉油，包括配上渍物、柚子豉油、wasabi、甜豉油，鱼质真系好靓，每一块入口都系享受😭
🫶🏻 寿司
海胆军舰～ 选用北海道马粪海胆！
拖罗蓉军舰～同样系本小姐最爱，不过就唔及刺身咁好食啦～🥹 因为刺身真系好好食😭
其中一个比较少食嘅系沙甸鱼，配紫苏叶同透明嘅昆布，包住紫菜咁食～口感一流，亦有惊喜！
粒贝寿司！妈妈唔好鱼类，因为佢有得食贝粒，佢超中意贝粒，亦话好好食！
北海道海鳗鱼寿司，配甜蛋！同样好食同超强分别嘅寿司，海鳗个鱼味真系系口入面爆炸，配上有味饭，真系一绝～
🫶🏻 熟食
系寿司同刺身之间有一味熟食，今次系炸鱼春卷，入面包住紫苏叶同梅酱
姜粒～都要介绍，因为真系好好食，甜、酸、辣都超平衡，大家都清晒佢～ 😂
甜品有绿茶雪糕夹饼、柚子雪糕同咖啡选择～
总括而言，系大家食得非常开心又满意嘅一餐！孝顺女任务完成！🫶🏻🫶🏻🫶🏻
鮨佐瀬
网址: https://s.openrice.com/QrbS02jO800~uZ5MGAA
地址: 中环雪厂街22号乐成行地下G1舖
电话: 28150455
====================
张贴
