四寶食堂 (兆安廣場)

营业中

休息中

喺铜锣湾行咗一阵街之后见系时候食晚饭就去咗附近呢间四宝食堂试下。以为只系普通茶记，点知原来佢有好多嘢食，有排又有烧春鸡，唔知以为去咗西餐厅。 见咁开心就拣咗两个set dinner， 我叫咗一个板烧美国顶级封门柳配牛油粟米同炒杂菌，一个百里香蒜香橄油烧春鸡配炸薯条同薯仔沙律。老公话好想试佢个秘制麻辣捞公仔面，见只系要加$15就叫嚟试吓。嘢饮方面我哋我哋两个都叫咗冻奶茶。set dinner仲包埋餐汤佢嘅忌廉白汤好香好Creamy都几好饮。封门柳软嫩多汁完全将牛肉嘅Juicy锁咗入去。佢嘅烧春鸡虽然系烤过，但系啲肉一啲都唔嚡口，鸡髀肉好滑。最惊喜系个秘制麻辣捞公仔面，佢个酱汁应该系特制同个公仔面好夹超好食。认真讲咁嘅质素有咁多嘢食只系三百几蚊真系性价比好高。