名門讌客 (裝修中)

早几日去左饮表姐结婚果餐，应该系我近年黎饮过最正既一餐！！果日去到既时候见到酒楼用紧新式既LED舞台，感觉时尚，虽然地点系酒楼，但格调亦不错。当日表姐同表姐夫拣左系现场签纸证婚，气氛好好，而现场既灯光同音响亦都好配合到个仪式，睇得出一对新人好用心去筹备，而酒楼方面亦好尽力配合，成个仪式好完美，令人感动。到了开席时间，菜式相当唔错，好多我爱既菜式都有得食~~当晚菜式整体水准相当高，而最值得推介既菜式就系呢一道鲍鱼扣鹅掌，鲍鱼好大只，而且炆得够腍身，个汁亦有好浓郁既鲍鱼味。最底层既菜索晒鲍汁既精华后，亦变得非常惹味，整道菜非常出色，赞！当晚既糖水有我最爱既红莲炖雪耳，清甜可口，甜度适中。果晚招呼我地果台既姐姐亦相当抵赞！话说当晚我唔小心倒泻橙汁，果位姐姐好有效率咁即刻走过黎抹干，仲好细心咁问我有冇事，全程无黑面，服务态度有十分！当晚绝对系我近年食过最好食既一餐婚宴，有机会一定会去试下食晚饭！