富來紫砂飯店 (已結業)

星期日去左深水埗揾食,见到间富来紫砂饭店装修特别,加上天气炎热,唔想系大排档食到汗流浃背,所以决定一试!入到去装修好中国feel,环境十分企理,由于第一次黎,所以叫侍应介绍有咩好食,佢极力推介左个新出的蒜蓉原只蟹焗煲仔饭,剩系听到个名都想试啦,何况我系一个蟹痴,另外叫左个京烤骨(招牌之一),由于2个人唔系食到太多野,所以叫左个海鲜杂菜煲就算!!!等左一阵,我最期待的蟹煲仔饭终于出场,一开盖已经闻到好香既蒜蓉味,见到成只蟹放系入面,个蟹盖有好多膏,本身我唔系咁钟意食膏蟹,因为觉得d膏好硬同好"鞋",但系佢地既膏好香好软,配埋d煲仔饭一切食,简直系人间极品,之后再食埋d蟹肉,都好好食,好甜...仲之一个字“正”!!! 至于京烤骨卖相非常好睇,酸酸地甜甜地,d肉又够淋,非常送饭,所以除左个蟹既煲仔饭,我地2条友都每人叫左2碗白饭,而个杂菜煲就不过不失,份量足!!Anyway,食完好满足埋单都系2百几蚊,超抵!!!个经理仲话我陆续会有好多不同既煲仔饭会上牌,叫我地多d黎帮衬...唔驶佢讲食完个蟹饭我都肯定会再番叮lor!!!我谂冬天黎食一定会更加滋味lor.....