阿里山台式美人鍋 (已結業)

自从喺台湾食过酸菜白肉锅之后，一直念念不忘，香港唔系太多地方有得食，得知佐敦有间火锅店有得食，加上天气又冻，唔使谂咁多，即刻出发。呢间叫阿里山美人锅，位于佐敦嘅庇利金街，如果坐港铁，就喺C2出口直行3分钟就到，都几方便。店舖位于2楼，特式装潢，有大圆枱同埋四人卡座，宽淌阔落，同朋友聚会不错选。呢度主打有几个台式锅底，包括美人锅、台式麻辣锅、酸菜白肉锅同埋三杯鸡锅。今日我地点左麻辣同埋酸菜白肉锅嘅鸳鸯锅，本身单款$128，鸳鸯则加30，即系$158麻辣我地点左小辣，锅底加油蜜枣龙眼干令到个锅底辣得来比较顺和， 好容易入口，辣得来好香好上瘾，就算直接饮用都可以。仲有豆腐同鸭血，豆腐索晒啲汁，好入味。鸭血则好香好滑，连食几件，停唔到手酸菜白肉锅嘅汤料都唔少有，腩肉薄片、好多酸菜、粟米、蕃茄同埋宽粉，未到酸得来唔会太呛，直接饮用好醒胃，忍不住一啖又一啖，大爱，整个汤底嘅料食晒其实都几满足。配料方面有海鲜，牛肉同一般火锅配料都有齐，我地点左贵妃蚌，手打咸蛋虾丸，墨鱼丸，水饺，菜心苗同埋豆卜，仲有即炸厚切午餐肉非常丰富。贵妃旁够新鲜爽口，咸蛋虾丸嘅咸蛋够大粒，唔算弹牙但有虾味，水饺大小适中，饀料多