十三少 (已結業)

黎到恢复晚市堂食既第二个星期，当然继续报复式出街食。今次到乐富一间川菜餐厅。之前家姐食过另一间分店，外卖回家食，话好食，所以今日我去堂食叫几款嘢食试吓。椒麻皮蛋首先食过凉菜，皮蛋同平时食既有D唔同，唔系黑色，蛋白位系啡透明，蛋黄好够大，而且系橙色，好吸引，食入口麻辣味十足，刺激味蕾，不过又冇俾d麻辣抢咗皮蛋味，特别得来，好唔错。十三少酸菜鱼一上枱好震撼，好大碟，员工提我地先试再试鱼汤，汤少少酸少少辣，好有鱼鲜甜味，入口好开胃。配料好多，有酸菜、莴笋、萝卜、菇同鱼块，白雪雪鱼块片得好薄，食落新鲜嫩滑。员工话d鲈鱼每日新鲜切片，汤亦都系即日熬，的确又真系好好味，食到停唔到口，非常之正，佐白饭亦都一流。川式口水鸡呢个口水鸡食落好滑身，冇咩骨，啖啖肉，d肉好滑，皮爽，辣油唔会太辣，d芝麻又好香，鸡下低仲有啲青瓜，青瓜爽脆清新，可以解腻。红糖糍粑男朋友第一次食，有d似糯米糍，不过系糯米造成条状，热辣辣，外脆内软糯，外面外面黐咗啲花生碎及黄豆粉。另外有一碟杰身的红糖用黎点响糍粑，微甜，男朋友话觉得好特别，因为平时食糯米糍多数都系日式糯米糍，感觉新鲜。整体上今次晚餐好满意，味道好，而且份量大，下次带