譽 鐵板燒

营业中

休息中

难得入大西北郊游，行完食餐好。环境舒服，师傅热情，成晚气氛好轻松。🥢「和」二人前套餐 $1680/2🥗沙律 Parma ham卷住青瓜丝，配上各式水果，清新又开胃。🥢前菜𩽾𩾌鱼肝口感软滑，味道浓厚，一啲腥味都冇。🥢南非鲍鱼口感弹牙，咸香之余有阵阵昆布香气。配上鲍鱼肝酱鲜味大大提升。🥢北海道帆立贝 帆立贝厚身大粒。表面烧得香，里面微暖亦保持到弹牙。而且仲食到一缕缕嘅肉质。海胆忌廉汁质地香滑，海胆嘅鲜甜同洋葱嘅甜味好顺口，但唔会浓郁到喧宾夺主。🥢喜知次鱼皮煎得香脆，肉质细嫩，充满鱼油香味。咸香嘅明太子汁加上花椒籽层次丰富。时令嘅龙珠果清甜解腻。🥢大虎虾虎虾肉爽弹鲜味，加上虾膏同牛油变得香气十足。🥢鹅肝师傅喺鹅肝洒上砂糖，烧完之后有好靓嘅焦糖化效果。鹅肝味道浓郁，几乎入口即溶。黑醋预先调制，质地稠身而且酸度比平时低。🥢美国封门柳偏瘦唔油腻，肉味浓郁。配上山葵油醋汁味道更丰富。🥢炒饭炒得粒粒分明而且充满烟肉香味。🥢时令汤奶白色嘅鱼汤味道浓厚。🍨甜品焦糖多士口感香脆，净食或者配雪糕都好味。我哋拣咗芝士、开心果味雪糕。芝士雪糕比想像中浓郁咸香。而开心果味则有唔少果仁颗粒。