hoo韓國包車

营业中

休息中

今日放假又约咗朋友出尖沙咀行街食饭，今日朋友想食韩国嘢，即刻上openrice搜寻下见到附近有间韩式餐厅都几吸引。hoo 韩国包车 ，地址喺尖沙咀厚福街12号南华商业大厦22楼。上到去餐厅装修布置好有气氛，感觉好似去咗韩国宵夜档一样。招牌炒章鱼 146元，章鱼份量劲多炒到啱啱好边位有少少焦香，食落去口感爽口弹牙，配上韩式嘅酱汁辣椒，令到章鱼嘅鲜味提升。小食拼盘 128元，炸紫菜粉丝卷，外面炸到好酥脆，入面紫菜包住粉丝外脆内软，口感烟烟韧韧。炸薯条，炸到金黄色又香又脆。芝士条，芝士味浓郁一食落去有拉丝口感，配上沙律酱味道系最夹。芝士炒年糕 86元，芝士味道香浓，炒年糕口感烟韧，芝士有小小焦香一令到味道嘅层次更加丰富。韩式炸饺子 68元，炸饺子炸到外皮香脆，皮薄馅靓，配上韩式酱汁令到油腻感减低，食落去特别香口。Terra 枝装啤酒 48元，饮返支韩式啤酒，冰凉畅快。