鼎王麻辣鍋 (The LOHAS) (已結業)

而家无得去台湾，所以靠鸭血吃到饱以解台湾相思！要哂两个锅系皇道！麻辣锅既豆腐同鸭血系任食。鸭血每次上都大大件，好firm同超滑口，大推介！豆腐唔散身，都系丧食之选！我同老公refill左五六round🤤🤤🤤酸菜锅第一轮会有猪肉片，之后酸菜都任食。本身唔系酸菜锅既粉丝，不过佢有得拣酸度，同埋好衬我地之后叫既蛋饺！另外叫左几个小食。蛋饺几有趣。皮簿入面都锁到肉汁。卤水拼盘黎到可以即食，不过我地跟从推介，放入麻辣果边，会好入味！最推肠同牛肚，好有咬口！最后要左个乌冬！有惊喜㖞！我好怕啲好淋既，佢系弹口！挂哂啲麻辣汁真心正同系个好既收尾！食到好满足同捧住个肚！