渝味曉宇重慶老火鍋 (太子集團中心) (已結業)

一直都好钟意食重庆火锅，揾极都揾唔到好食嘅火锅，冬天就正好打个边炉。因为同行有朋友唔食辣，就叫左个鸳鸯锅，一半重庆辣，一半牛骨汤。啲辣真系好正，我好耐冇食过咁过瘾嘅辣锅。首先黎左个雪耳糖水，好鬼正。再上食材：鲜黄喉，毛肚，鹅肠，牛肝，耗儿鱼，嫩牛肉，肥牛，苕粉。啲食材非常新鲜，同平时喺出面食到嘅好大分别。尤其系条鱼，好有鲜味。肥牛唔系平时出面任食火锅𠮶啲货食，非常有牛味。最后上个糍粑，炸得刚刚好，一个字，正！值得一提系啲员工态度十分殷勤，主动会过黎问你有乜可以帮忙，加下水咁。依家好少餐厅可以做到咁，值得一赞。