鄭記士多

营业中

休息中

之前我们去过深井嘅「郑记士多」买过凉果食，话下次再嚟𠮶阵一定要试吓老板嘅招牌奶茶！今日入到嚟终于有机会可以一试！喺冲茶𠮶阵老板相当详细咁同我们讲解，原来冲茶都可以有咁多学问，令我们对茶更加了解同认识，仲可以学到好多嘢！因为老板用超高温嘅热水，将所有茶具煮过，煮茶嘅铁锅都经过煮热之后，先加入红茶再经过慢火烘焙，令到茶嘅香味，芳香扑鼻，老板再加入花奶后，就直接倒入较早前预备好热辣辣嘅茶具入面，之后攞畀我们饮，饮第一啖已经感受到老板同我们讲解嘅𠮶种齿颊留香，由于本人当时一直顾著影相，虽然冻咗少少，但味道依然都系咁芳香浓郁！试过红茶之后，老板再同我们推介用中国龙井茶嚟冲，一饮就觉得点解用中国龙井茶嚟做奶茶都可以咁夹，一样都系齿颊留香，就算隔咗一两个钟后，口腔入面仍然有奶茶嘅香味！所以呢碗招牌奶茶就算要卖百几蚊一碗，都系物超所值，有专人喺你眼前亲自煮畀你饮，真系至高享受，真系值得一试！