心語甜品 (已結業)

今日真系唔好唔开心，当然去食甜品，平时成日食芒果小丸子，今日试新嘢……肉桂苹果金宝配海盐雪糕。舖内播的歌唔嘈好柔和，心情好了少少冇咁唔开心。舒舒服服等待甜品来临，坐咗一阵甜品到，厨师整得好靓，苹果焗得好香、有肉桂味食落甜度刚好，海盐雪糕配佢刚刚好，好夹唔会抢大家味道，细问下完来佢哋将苹果炒过，唔似其他甜品舖整到一味得个甜字，苹果又冇味，呢度的苹果金宝我过咁多间得呢间整得完全系我想食嘅味道，食完心情已好了。问厨房姐姐是否去学过整甜品，佢答从未冇出去学，完全系有人话俾佢听点整再去自己研究，咁佢真系好叻。呢度D甜品俾起出边排长龙等位等到脚软嘅甜品舖好食好多，其实冇人D嘢食嘅店舖唔一定难食，分分钟有意外惊喜。从此对冇人嘅店舖改观，D人太注重排长龙嘅店舖就觉得一定好食，相反反而呢店舖求其出品。加油、希望多D人见到食评后多D嚟食，值得继续支持。