影片
更多
2023-05-14
30 浏览
呢间湾仔嘅日式火锅，晚市6:00已经满座！当我哋食完嘅时候，出边已经有人等紧位，人气相当高！预早庆祝母亲节，拣咗两款和牛餐。先拣汤底，再拣主食嘅肉。嚟呢度我真系推介和牛😋😋😋当然如果唔食牛嘅朋友都可以拣豚肉。套餐。仲有蔬菜拼盘、虾滑、日本米饭（加＄15可升级为乌冬）及甜品。汤睇我哋拣咗一个寿喜烧、一个日式昆布上汤。上枱嘅时候一份份，企理精致，仲附送生蛋可以点牛肉，令牛肉肉质更滑😍▶️极上A4 黑毛和牛$438呢只黑毛和牛油脂分布均匀，唔会太肥，牛肉质地入口绵滑，牛味好香，好好味😋▶️本延特选A5黑毛和牛$508呢只黑毛和牛更高level☺️呢一款牛嘅油脂相当丰富，入口即溶嘅感觉，满满牛香🤤 但系又唔会油腻。我觉得每人叫一款share食几好，大家可以试多款，因为两款肉都好高质，各有特色。另外蔬菜拼盘嘅份量都相当足够，有唔同菜嘅款式，仲有金菇、冬菇、红萝卜、芋丝、蟹柳等等。跟餐个虾滑都好正，虾肉新鲜爽口。另外日本豆腐豆味浓郁又滑😋甜品系日式蕨饼，烟烟韧韧几好食。宜家餐厅做紧💜消费劵礼遇💜凡惠顾满 HK$500即送一张HK$100 现金券 ， 下一次消费满HK$500就可以用一张喇！优惠期至202
呢间湾仔嘅日式火锅，晚市6:00已经满座！当我哋食完嘅时候，出边已经有人等紧位，人气相当高！
预早庆祝母亲节，拣咗两款和牛餐。先拣汤底，再拣主食嘅肉。嚟呢度我真系推介和牛😋😋😋当然如果唔食牛嘅朋友都可以拣豚肉。套餐。仲有蔬菜拼盘、虾滑、日本米饭（加＄15可升级为乌冬）及甜品。
汤睇我哋拣咗一个寿喜烧、一个日式昆布上汤。上枱嘅时候一份份，企理精致，仲附送生蛋可以点牛肉，令牛肉肉质更滑😍
▶️极上A4 黑毛和牛$438
呢只黑毛和牛油脂分布均匀，唔会太肥，牛肉质地入口绵滑，牛味好香，好好味😋
▶️本延特选A5黑毛和牛$508
呢只黑毛和牛更高level☺️呢一款牛嘅油脂相当丰富，入口即溶嘅感觉，满满牛香🤤 但系又唔会油腻。
我觉得每人叫一款share食几好，大家可以试多款，因为两款肉都好高质，各有特色。
另外蔬菜拼盘嘅份量都相当足够，有唔同菜嘅款式，仲有金菇、冬菇、红萝卜、芋丝、蟹柳等等。
跟餐个虾滑都好正，虾肉新鲜爽口。另外日本豆腐豆味浓郁又滑😋甜品系日式蕨饼，烟烟韧韧几好食。
宜家餐厅做紧💜消费劵礼遇💜
凡惠顾满 HK$500即送一张HK$100 现金券 ， 下一次消费满HK$500就可以用一张喇！
优惠期至2023年9月30，送完即止。
张贴
