七輪燒肉 (已結業)

今日經過堅尼地城地鐵站，發現附近多咗好多好多新嘅食肆，其中一間我喺地鐵站一出已經聞到好香嘅味道，係一間燒肉舖。A5和牛原來呢間鋪頭係食靚料嘅燒肉，我就試咗個黑毛和牛A5嘅，上枱已經好特別佢唔係用鐵碟上，佢係用放壽司嘅木碟上枱。嗰塊A5和牛大過上枱嘅碟要摺起，佢整得好爽脆味道麻辣好食 ，佢既A5牛望上去色澤均勻加上雪花好多，我唔識分都覺得佢好靚， 烤板旁邊放咗一嚿脂肪，俾我起爐用。因為牛肉嘅關係所以喺爐上面輕輕一燒就已經熟，唔洗好耐就已經將和牛燒好。燒出嚟已經非常之香，和牛既味道非常濃郁，入口即溶， 我基本上唔需要點醬汁已經好好味。雞心 喺香港唔多地方有得食雞心，咁一定要試下啦，雞心側邊連埋啲雞油燒起上嚟非常之香，雞心燒到有少少焦香，加上少少醬汁外脆內嫩嘅雞心好好味。青蘋果汁佢嘅青蘋果汁好似係濃縮果汁， 凍冰冰的果汁用嚟配熱辣辣嘅燒烤一流。