佳佳甜品

营业中

休息中

星期五happy Friday当然要周围去揾下好野食啦，食完晚饱又点可以唔食糖水慰劳下自己一个星期既辛劳呢。去左位于佐敦好出名既佳佳甜品食传统中式糖水😌 话说佳佳甜品系米芝连食店黎既，有唔少人报道过。可能时间尚早，我地去到竟然唔使等位🤗佳佳甜品室内环境都算好宽敞，唔会为左做多d生意而将d枱排到好密，座位都算多，可以容纳大约50人。有几张大圆枱，有机会要撘枱既。糖水选择唔算多，不过呢d传统小店贵精不贵多，口味大众化，价钱亦好相宜。叫左一碗热既合桃糊，认真系我咁大个女食过最好食既合桃糊，入口口感好滑，食得出系自家磨制既，一定唔会系开粉冲，合桃味香浓又唔会太甜，十级推介作为女人又点可以唔叫冰糖木瓜滋润下呢，好足料，有成六七片木瓜，虽然系冰糖炖，但都唔会太甜总括而言，十分推介大家要去试下佳佳甜品，位置又方便，糖水又好味，等候时间亦唔会好耐因为翻枱好快，不过就唔会适合大家慢慢倾计。