京滬佳餚 (Fashion Walk) (已結業)

约咗朋友喺铜锣湾食lunch，行咗阵街见到呢间餐厅有烤鸭食！我哋两个都劲钟意食烤鸭，就入咗去食～京沪香酥烤鸭 (半例)因为两个人食，所以我哋叫咗半例～有6种配料:分别系青瓜、京葱、蒜蓉、砂糖等。鸭皮烤得好酥化而且有油香！入口就一啲都唔油腻，鸭肉口感香嫩～超好味😋云吞鸭肉汤有浓郁鸭肉香嘅汤，完全无油腻感！味道特别香浓，而且好足料。小笼包一笼有6只～皮薄馅靓，每个小笼包都劲多肉汁！埕醋小排骨嚟到个摆盆已经觉得好靓～食落酸酸甜甜，好味又开胃！老上海炒饭个饭炒得几好，好有咸香味。配料都有虾、烟肉、什菜等山楂杨梅果呢度嘅甜品款式几特别，卖相都好靓！用咗山楂蓉做馅料，食落口感烟韧，味道酸酸甜甜。杏汁高力平时出面食到多数都系豆沙馅，今次呢个系用左杏汁馅，我几钟意呢个味道！唔会太甜，几清香。