友義氣‧酸菜魚 (已結業)

开左2-3星期既小店，小清新风格，干净舒适。有个客仔比钱揾散银，店员下次先比啦，人情味真系小店先有。🥢酸菜鱼🥢 $188 标准 绝对系色香味俱全 ！个盘大大只字写住「鱼好吃汤更好喝」无理由唔饮个汤，个汤鲜而不腥，且顺清不太油腻，泡饭食好正，鱼就柔嫩滑溜，唔知系咪我叫左BB辣，泡椒味轻手左，系差在呢个点上，完全可媲美内地食既，仲要健康D。🥢黄金软嗀蟹🥢 $115睇得出大厨好有经验好有技巧，炸到好干身香脆，出面好多黄金乜乜，一味追求多唔多黄金，仲要搞到好油腻。呢到我最惊叹就系佢个炸野，咸蛋黄好似mix入左炸浆咁，干身不滴油，就咁睇就唔系好多咸蛋黄，但系咸蛋黄味愈嚼愈起劲，愈嚼愈香口，最重要完全唔油沥同埋应觉到佢地猛火热油，好热气但好正！🥢鸡丝粉皮🥢 $58无话特别惊艳，不过天气热热地好岩食同埋食左咁多重口味野要食返清新D既野，粉皮凉凉地加埋青瓜几清爽，加埋胡麻酱好开胃。