皇子印度餐廳 (海富樓)

营业中

休息中

第二次嚟呢间印度人主理嘅印度餐厅，真系忍唔住要评一评。地方唔大，装修唔靓，但店内洁净整齐。店员全部系印度人，讲英文，menu中英对照，放心入去啦！$58-$78蚊一个set lunch，有汤丶有主食丶有小食，naan薄饼任叫任食，即叫即做，呢个系卖点。我地叫左两个餐，蕃茄汁咖哩牛腩同玛沙拉烩鸡。印度菜香料会偏多，咖哩香浓而不辣，加入蕃茄汁令到咖哩仲甜甜地。牛腩质地腍软，充满口感，牛味丰浓。玛沙拉咖哩由多种香料混合而成，所以味道好复杂，听说每家食店都有其独门配方，我就好钟意呢个黑胡椒味重嘅味道。鸡件质地就一般嫩滑，全部已经去骨。小食烤蒜子鸡件配几滴柠柠汁有清新开胃嘅感觉。因为咖哩汁真系好滋味，我地叫左三款唔同叫感嘅naan，即叫即做热腾腾薄饼松软香口，点上咖哩汁就真系食到停唔到口。