茶木‧台式休閒餐廳 (屯門市廣場1期)

营业中

休息中

今日一行二人，去咗一间台式餐厅食晚饭，被安排坐咗一个卡位，好舒适。一睇餐牌见到有好多食物可以选择，首先拣咗盐酥鸡作为小食头盘，盐酥鸡整得好好，调味刚刚好，唔会太咸，细细粒，一口一粒，脆卜卜，好好味。仲有限量供应嘅炸芋头咸蛋肉松波波，外脆内软，热辣辣好好味。主菜拣咗黑醋猪软骨配肉燥饭，猪软骨系用陶瓷做嘅碗装住，下面点咗蜡烛保暖，令𩠌菜唔会冷却。猪软骨煮得好够林，完全吸收晒个浓浓调味汁，好入味，好正。而且份量好够，好多肉。肉燥饭系喺白饭上面铺上肉燥，有点偏咸，不过好惹味。另一份主菜系凤梨甜酸肉，其实系咕噜肉，加上好多杂果、包括菠萝粒、荔枝、火龙果粒、士多啤梨，配上酸甜酱，甜甜酸酸好惹味。小菜套餐包含一碗珍珠饭，饭粒软滑香甜。拣咗两杯饮品，一个系黑糖珍珠奶茶，上面有三粒芋圆丸子串埋一齐，珍珠好有赵口，奶茶好香奶味。另一个饮品系四色波波芝麻豆乳，好似食紧芝麻糊拼豆腐花，好香浓嘅芝麻糊味道。甜品叫咗雪糕拼芒果吉士窝夫，曲奇味雪糕好结实，好好味，窝夫即叫即整，好香鸡蛋味。