媽咪雞蛋仔 (已搬遷) 新店位置

记得第一次帮衬系误打误撞，见到几多人等就试下。买左份朱古力鸡蛋仔，结果好有惊喜，非常满意。难得同女友再次经过，当然要再食。因为都有唔少食客，买完都要等15分钟先有得食。鸡蛋仔好大饼又重身，绝对冇偷工减料。溶化既朱古力粒,配上外脆内软既鸡蛋仔，简直是一大享受！食果时要格外小心，因为系极为烫手！朱古力粒甜中带苦，比例岩岩好唔会太腻，亦唔会盖过蛋香。内里烟韧，非常好吃！建议可以两个人食～咁就甜蜜得黎又唔会漏！又可以系登打士街食多几样小食！