象泰 (已結業)

琴日同男朋友去左屯门，路过雅都商场，之前睇过有啲报导话个商场重新包装过。上到去一睇，哗！！成个一楼变左做food court 。男朋友话想食泰国菜，所以就黎试试。我地两条友仔叫左冬阴公、生菜包、拼盘同香叶肉碎炒饭。个冬阴公超Nice~唔似其他舖头个啲，我估可能因为加左椰子奶，有淡淡椰香味，好岩港人口味，而且超足料，有好多虾同菇菇👍🏻生菜包就一般般，我个人就觉得炒得唔够干身，但味道是可以的。拼盘热辣辣，好香口！钟意食煎炸野既我，必选！！！最后就系个炒饭，不过不失，如果可以浓味多啲啲就更加好。整体来说，我会再来帮衬，环境干净，价钱又唔贵，$416埋单 饱到揽住肚仔返屋企！😂