陳儀興尚潮樓 (英皇道)

营业中

休息中

最近好想食潮州菜，所以就约左朋友去陈仪兴尚潮楼食晚饭🫶🏽 店内环境装修典雅，非常适合约埋三五知己一同聚餐。餐前先黎一杯齿颊留香嘅潮汕功夫茶，味道清香回甘，提神醒胃。🐠冻马友鱼 $398黎呢度一定要试下冻马友鱼，肉质鲜甜嫩滑，油份丰腴甘香，完全无腥味，再配上潮州特色豆酱，微咸更能引出鱼肉嘅鲜香，令人回味无穷。🐖胡椒咸菜鲜猪肚汤 $156/碗冬天点少得老火饮靓汤暖暖胃，猪肚嘅处理好考功夫，而呢碗胡椒咸菜鲜猪肚汤胡椒，猪肚完全无猪膻味，咸菜唔会太咸，胡椒辣度刚刚好，饮完成身暖晒，健脾开胃。🍽️香酥带子 $298呢味香酥带子，每粒都炸得金黄香脆，外层香酥可口，一口咬落就食到入口即溶幼滑粉腍的芋泥，包住里面大大粒好鲜甜嘅带子，外脆内嫩，非常满足。🥬干贝春菜煲 $128春菜清甜爽口，加埋瑶柱令春菜煲汤底更加鲜甜解腻，帮助消化。