大同私房菜會所

营业中

休息中

今日同成班frd黎到呢间叫大同嘅私房菜食饭，系朋友食过话野食同环境都一流，黎到果然无讲错！呢度主要系食已失传或者唔常见广东菜，所以叫大同。第一道菜我地叫左个捞起，职员介绍话系顺德人喜庆节日先食，用生菜包起鱼生、白饭、辣椒酱，非常惹味😋😋第二道菜我地一人叫左一份燕窝鹧鸪粥，听讲以前要有钱人家先可以食，金华火腿熬制嘅汤底加上淡淡燕窝肉，好滋补嘅感觉😍👍🏻跟住叫左个卤水乳鸽，职员话系用陈年卤水汁浸到只乳鸽半熟再炸，相当惹味😋呢住呢道蜜汁火方好得意，佢本来系浙江菜，但用咗菠萝代替菜，用金华火腿夹面包，我觉得有少少似高级中菜版pizza 嘅感觉🤣🤣我哋仲叫咗个豉椒炒蟹，辣辣地好有镬气，配埋清炒凉瓜，即刻解一解油腻👍🏻仲叫咗个咖喱牛腩+荷叶饭，荷叶饭超香，好过食白饭！咖喱偏向印度风，应该比较啱香港人口味～最后叫咗个蟹油拌面，就系用返头先豉椒炒蟹嘅油去捞面，充满罪恶感但好正😋当然唔少得广东菜必食嘅甜品-陈皮红豆沙，红豆煮到起沙，而且唔会死甜🤤🤤为晚餐画上完美句号。