G-NET (已搬遷) 新店位置

今日去网吧打完机，出面又落住雨，咁费时出去食，结果就叫左网吧入面既餐厅打包外卖返屋企食啦，叫左个鱼柳芝士捞乌冬，芝士白汁鸡扒双肠饭，一个小食拼盘，盐酥鸡拼鱿鱼须,热狗，生炸鸡比，两杯冻柠密！先讲请个D包装先，非常细心，每样炸野都必定在盒界开一个洞，防止炸野变淋，所以返到屋企都保持到脆口，野饮亦会用多一层保鲜纸包住，以防打泻，非常细心！食物方便有惊喜！估唔到一间网吧入面既细细厨房都有咁多品种选择，由于我等餐时在厨房附近，只见一个师父系度忙过不停，但我从食物质素上看得出师父个团火，DD老师父真系买少见少！虽然唔系咩贵价菜，但真系价钱亲民又好味！捞乌冬同个鸡扒饭既芝士白汁非常浓郁够味，个汁挂得起之余又唔会稀又唔会太“杰”,捞饭同乌冬都非常正，所有炸野都应该系即场新鲜炸，因为食得出，同埋返到屋企都仲脆，绝对唔系炸定的，食只鸡比就食得出！值得一赞！！！左我个人觉得最有惊喜系鱿鱼酥，真系非常野味同松脆，又够椒盐味，点少少喼汁真系无敌！热狗都好好食，因为配料都几新鲜，而且系法兰克褔肠，正！最后两杯饮品，都几够味，又唔太甜！