影片
更多
2023-03-30
50 浏览
嚟到三月天气仲有点寒意，自不然就会想食火锅暖暖身。今日就相约朋友去到旺角打边炉。餐厅坐落喺旺角砵兰街食肆林立嘅中心点，就喺朗豪坊附近，红色醒目嘅招牌相当易揾。餐厅虽细但五脏俱全，装修环境比较地道。本以为系一间平平无奇嘅火锅店，但好快就颠覆我呢个谂法。芫荽皮蛋锅打边炉最重要除咁个炉，一个靓嘅火锅汤底同样重要！想品尝食材鲜味嘅同时又想饮埋汤，唔抗拒芫荽嘅朋友仔一定要叫呢款汤底。多芫荽不在话下，餐厅选用咗呈雪花纹嘅松花皮蛋，抵赞！澳洲M6三角牛小排牛肉油花分布超级靓，牛油味香浓而又不太油腻。清清地嘅汤底唔会掩盖牛小排嘅味道。入口即溶软绵绵嘅口感令人食唔停口。本地手切牛颈脊油花少，牛肉味极浓。相比起牛小排，牛颈脊肉质口感较为有嚼劲，愈食牛味愈出。手打虾丸由鲜虾打成嘅虾胶，再包住口感爽脆弹牙嘅虾肉。虾味劲爆，胶质十足！手打麻辣牛丸另一款手工手打丸，牛肉鲜嫩juicy，麻辣味不会太抢。值得一赞牛丸渌咗一段时间都仲保持幼嫩唔鞋口。广岛蚝每一只都新鲜肥美，最紧要系完全无腥味，鲜甜嘅蚝味令汤底更加清甜！脆骨腩诚意推荐！喜爱食鱼嘅必选海鲜食材。脆骨腩肉质爽脆味道鲜甜，冇泥味同腥味可以放心啖啖肉咁食。黄沙猪
嚟到三月天气仲有点寒意，自不然就会想食火锅暖暖身。今日就相约朋友去到旺角打边炉。餐厅坐落喺旺角砵兰街食肆林立嘅中心点，就喺朗豪坊附近，红色醒目嘅招牌相当易揾。
餐厅虽细但五脏俱全，装修环境比较地道。本以为系一间平平无奇嘅火锅店，但好快就颠覆我呢个谂法。
芫荽皮蛋锅
打边炉最重要除咁个炉，一个靓嘅火锅汤底同样重要！想品尝食材鲜味嘅同时又想饮埋汤，唔抗拒芫荽嘅朋友仔一定要叫呢款汤底。多芫荽不在话下，餐厅选用咗呈雪花纹嘅松花皮蛋，抵赞！
澳洲M6三角牛小排
牛肉油花分布超级靓，牛油味香浓而又不太油腻。清清地嘅汤底唔会掩盖牛小排嘅味道。入口即溶软绵绵嘅口感令人食唔停口。
本地手切牛颈脊
油花少，牛肉味极浓。相比起牛小排，牛颈脊肉质口感较为有嚼劲，愈食牛味愈出。
手打虾丸
由鲜虾打成嘅虾胶，再包住口感爽脆弹牙嘅虾肉。虾味劲爆，胶质十足！
手打麻辣牛丸
另一款手工手打丸，牛肉鲜嫩juicy，麻辣味不会太抢。值得一赞牛丸渌咗一段时间都仲保持幼嫩唔鞋口。
广岛蚝
每一只都新鲜肥美，最紧要系完全无腥味，鲜甜嘅蚝味令汤底更加清甜！
脆骨腩
诚意推荐！喜爱食鱼嘅必选海鲜食材。脆骨腩肉质爽脆味道鲜甜，冇泥味同腥味可以放心啖啖肉咁食。
黄沙猪膶
必点之选！ 必点之选！必点之选！真系好重要不禁要重复三次。平时食开嘅猪膶煲一阵就鞋口起沙食落有渣。黄沙猪膶就相反，食落滑溜溜，口感爽滑弹牙，而且餐厅亦做好调味，食落唔会有内脏腥味，诚意推荐！
三秒响铃
又一必点之选。出去打边炉最怕食到现成包装响铃。沙田头嘅响铃系自家制新鲜即炸，就咁食都very good ！ 记住跟返个名，浸汤三秒就好食啦。
张贴
