Little Fresh Cafe & Bar

营业中

休息中

一早听过朋友介绍Little Fresh，今晚出街食饭就谂起要黎呢间。宜家订位有九折，系FB或IG share仲有人头减$10。呢度墙上有星星装饰，又有各式摆设，几靓。星期一晚呢度都爆场，接近8点已经坐满，要提早订位啊。呢度作为一间cafe，食物真系超水准。南瓜野菌汤（$48）南瓜配野菌真系第一次见，竟然都几夹。野菌有啲似黑木耳口感，味道又唔会太影响到南瓜既甜。芝士烟肉薯泥热锅（$68）呢个热辣辣滚住上，芝士配烟肉从来系最佳拍档，今次都唔例外，好creamy味道好丰富。南瓜蟹肉芝麻菜意大利饭（$138）个意大利饭都几有咬牙，配上满满的南瓜汁，碟边仲会有蟹籽，呢个配搭我都系第一次食。个饭都几juicy，不过可能有点咸。香草慢煮鸡胸配迷迭香莎莎（$158）呢个鸡胸惊喜地好好食，唔会韧，唔会咬唔开，反而好爽口，超级推荐。你会感觉到同其他店与众不同的感觉。仲有球薯蓉，更加饱肚。铁板朱古力布朗尼配杂莓雪芭（$86）个雪芭上面冻下面热，上菜的时候会比杯朱古力你，中和雪芭的酸味。个brownie入口即溶，好浓的朱古力味，岩晒朱古力控。