圍爐取暖

营业中

休息中

旺角餐廳晚市特別多人，但要搵一間靜靜地傾計嘅火鍋店應該好難🙄呢間商場樓上鋪主打花膠雞湯，加上露營主題，好奇之下就去試下。🔸花膠雞湯底半隻每日限量20隻，當然要試吓😎湯底顏色呈現金黃色，濃郁鮮甜，第一時間頭啖湯，鮮味十足👍 半隻花膠雞無肥膏，肉質鮮嫩，而且偏大隻，份量十足！花膠另上，侍應表示花膠來自鱸魚，厚身膠質重，入口軟綿，好幸福🥰女人恩物😆🔸伊比利亞橡果豬 $168厚切豬肉片，脂肪比例平均，有口感，與平時食開嘅豬肉片有咬口及肉味濃😋🔸手工芝士肉丸鮮牛肉包住芝士，熟左之後有拉絲效果。🔸手工特色餃子拼盤有齊韭菜餃、龍蝦餃、蟹黃餃、香茜墨魚做。特別係籠蝦餃，爽口鮮甜。蟹黃餃好濃郁嘅蟹膏味，每款都食得出好新鮮，材料切得好細緻，好明顯係手工製造。非常有特色，必點‼️🔸鬼馬滿天星蝦膠釀油炸鬼， 鋪上大量蟹子，增加口感，蝦膠非常爽彈👍⭕️兩個人 人均消費 $400所有食物食得新鮮，真材實料，製作用心，對得住價錢💪🏻另外值得一讚，侍應非常細心，每次上菜都會詳細介紹。