鼎豐雞煲泰國菜 (已結業)

朋友一直都系泰国菜fans，所以今日就同佢黎到食呢间鼎丰鸡煲泰国菜。餐厅非常干净，而且装修好新，每台之间都留有足够既空位，坐得好舒服，好啱一班朋友黎gathering。黎之前见唔少人都赞佢个泰国椰青鸡煲，搞到我都好期待试下，所以就叫左半只鸡。鸡煲上既时候有人过黎刮椰青肉同倒椰水，果然系真材实料！落鸡之后煮5分钟就可以食啦～啲鸡非常嫩滑，而且半只鸡都好多肉食。食到咁上下就会有人过黎帮手浮走啲鸡油，之后就可以饮汤啦！鸡汤好鲜甜，饮左几碗都唔会口渴，值得推介！打边炉配料方面，我地叫左皇帝菜同脆肉鲩骨腩，两者都食得出系新鲜既，但就冇咩特别咁～泰菜方面，我地叫左个黄咖喱牛颈脊石锅。黄咖喱非常惹味，有浓浓既椰香之余仲得食出有唔少香料。而牛颈脊充满肉香，分量都好多。仲有其他配菜例如薯仔、三色椒、车厘茄等，好丰富。我地叫左份酥饼黎送咖喱，好满足～饮品方面，我地叫左龙眼冰。龙眼冰超大杯，而且有满满既龙眼肉，好抵饮！顺带一提，店员既服务态度非常好，值得再次帮衬！