豐味蒸食

营业中

休息中

广东道街市出名平靓正，同男朋友嚟买𩠌之前想医肚先，见到呢间小店主打石磨肠粉，二话不说即刻入咗去。由于样样都想试，我哋两个人都叫咗几多野，包括有咸蛋肉饼饭，招牌猪脾肠粉，鲜虾肠粉，猪脾同埋饺子。猪皮肠粉都几少见，所以都几期待，肠粉都系即叫即蒸，见到已经舔舔脷，𠮶层皮的确好薄好滑，同一般嘅广东肠粉唔同，入边包左猪脾粒同埋葱、生菜，有爽脆嘅层次感。至于鲜虾肠粉，只虾都好弹牙好鲜甜，好好食。由于太想食猪髀嘅关系，另外都叫咗一只例牌猪脾，超好食，软熟得来啲肉质都好嫩滑，肥膏同肉嘅分布得宜，一啲猪苏味都冇，有时买返屋企加送都系唔错嘅选择。男朋友惊唔够食，叫多咗个咸蛋肉饼饭，佢话咸蛋肉饼冇乜惊喜，反而惊喜嘅系啲饭，因为佢比较钟意硬身有赵口嘅饭，呢个煲仔饭就做到呢种效果。另外我哋都叫咗饺子双拼，分别系韭菜饺同埋鲜虾猪肉饺，饺子都好好食好足料。嘢饮方面值得一提嘅系呢度嘅豆浆可以拣无糖，食得健康啲。