影片
更多
2020-11-29
1263 浏览
呢排天气转凉，又系打边炉既时候！今日去左铜锣湾一间好多明星帮衬过既台式火锅店，食完觉得好正，食物有质素兼服务态度满分 汤底主要有四款，我今次要左老饕酸菜白肉锅($158)锅物都算丰富，饮落有浓浓酸菜味，格外醒胃，如果平时食云南米线中意多加酸菜既朋友一定会好欣赏呢个汤式！除左秘制酸菜，锅内仲有极品猪王花腩，配上透明既宽粉条、新鲜蕃茄、蘑菇等，味道鲜美浓郁但唔会太腻 不过全餐最爱既一定系嘉美农场鸡件，妈妈话街市入里嘉美鸡来自本地农场，一向最靓最贵，今次试完果然有惊喜！平时打边炉通常配肥牛／梅花猪肉，但估唔到配新鲜鸡件先系最正！一放落去渌30秒左右就熟透白滑，入口肉质鲜嫩软滑，加上嘉美鸡通常脂肪较少非常健康，一试难忘！ 另加既蛋饺同墨鱼丸味道都唔错，墨鱼丸虽然细细粒但食得出系诚意手打，唔系一般超市雪藏货，非常弹牙！炸豆腐就一般般，并非特别出色 食到8成饱既时候侍应姐姐话餐厅最近准备推出新甜品-黑糖花生麻糬($48)我地就要左一份，沾满黑糖粉既外皮麻糬烟烟韧韧，入面就充满花生酱馅，妈妈同细妹都大赞好食唔甜 饮品方面我地要左冷泡桂花乌龙茶同酸梅汤，打边炉解腻一流
汤底主要有四款，我今次要左老饕酸菜白肉锅($158)锅物都算丰富，饮落有浓浓酸菜味，格外醒胃，如果平时食云南米线中意多加酸菜既朋友一定会好欣赏呢个汤式！除左秘制酸菜，锅内仲有极品猪王花腩，配上透明既宽粉条、新鲜蕃茄、蘑菇等，味道鲜美浓郁但唔会太腻
老饕酸菜白肉锅
$158
39 浏览
0 赞好
0 留言
嘉美农场鸡肉
$78
26 浏览
0 赞好
0 留言
另加既蛋饺同墨鱼丸味道都唔错，墨鱼丸虽然细细粒但食得出系诚意手打，唔系一般超市雪藏货，非常弹牙！炸豆腐就一般般，并非特别出色
食到8成饱既时候侍应姐姐话餐厅最近准备推出新甜品-黑糖花生麻糬($48)我地就要左一份，沾满黑糖粉既外皮麻糬烟烟韧韧，入面就充满花生酱馅，妈妈同细妹都大赞好食唔甜
饮品方面我地要左冷泡桂花乌龙茶同酸梅汤，打边炉解腻一流
张贴
