一品螞蟻 (已結業)

午饭时间经过呢度，朋友提议去快食个午餐然后赶返工，所以就但求就手吧！一向钟意食海南鸡饭嘅我见到呢度都有，所以就点左黎试吓，有去骨海南鸡、有上汤、有鸡油饭仲有经典酱汁，卖相似模似样！去骨嘅鸡肉相当之嫩滑，带有少少咸味，而酱汁方面个黑酱油味道好特别，辣酱可以再辣少少会更加完美，鸡油饭好香份量好多，应该可以两个人share食，上汤用咗冬瓜熬成，好清甜！成件事我好满意😍朋友点咗焗猪软骨饭，制作需时，不过出嚟嘅效果佢好满意，因为焗过既猪软骨表面脆卜卜好香口，软骨位亦炆得淋，肉质松软，酱汁亦都好惹味又好送饭！埋单大约$150，商场内的午市套餐来说算是不过不失吧！