Sugar & Spice

营业中

休息中

今次叫嘅二人套餐有惊喜，海南鸡饭超哂水准，皮脆肉滑，加埋个酱汁酸酸辣辣，真系连饭都清哂😋主菜四选二，我地选海南鸡同泰式卤水猪手。蔬菜二选一就选泰式炒飞天通菜。饭就转咗黄姜饭。上菜好快，最钟意就系摆盘整齐，而且份量超多。先讲海南鸡，鸡皮颜色够黄，见到都流口水。鸡皮系爽脆嘅，薄薄地，啫喱都薄薄地，唔会太肥太腻。鸡肉就好滑，无腥味，唔沾酱都好食。而个酱就系典型泰式海南鸡酱，开胃。泰式卤水猪手好淋，质地似煲汤猪手，入口即化，唔系德国烧猪手果种有嚼劲嘅口感。啖啖肉不用lun 骨，而猪皮就好似啫喱咁滑入口。味道系有层次的，唔会系死咸。猪手都有个醋汁，都几清新。炒通菜系食到有镬气嘅，都开始当造，入口无渣，试过冬天食就真系麻麻。黄姜饭香口，冬瓜汤都几有鸡味，呢餐我都好满意。