Primo (已結業)

男朋友寻晚睇波，意大利打赢比利时，都知佢系意大利fans, 今晚请佢食pizza, 不过食乜都系我话事。羽衣甘蓝凯撒沙律+烟三文鱼羽衣甘蓝好新鲜，巴马臣芝士份量亦都唔少，基本上每口都充满羽衣甘蓝同芝士，加上蒜蓉面包糠同蕃茄，食落又健康又满足，烟三文鱼加$25，有三大块，都算合理，算系不错既沙律。烟肉带子串一碟有4件，卖相同menu 相片一样好吸引及精致，打卡一流，带子大只，好厚身，煎得半熟，可惜嫌鲜味不足，好彩有清新嘅芒果酱同咸香烟肉搭救，呢个starter等左好耐先上枱，主食上左一段时间先黎，等到颈都长，难免少少失望。墨西哥鸡肉及西班牙辣肉肠薄饼好在个pizza 冇令我地失望，话晒食pizza因为意大利赢波。Pizza热辣辣,芝士溶化牵丝，好同意waitress 所讲，咁先食到真正既pizza味道, topping同芝士比例几平均，呢度嘅芝士唔系爆多𠮶种，西班牙辣肉肠好惹味，加上墨西哥嘅辣椒，成个Pizza好香口，pizza 饼底面包外层考得好香脆，咬落烟韧有口感，且有火炉烤香嘅感觉，几满意。如果意大利继续赢，一于再黎试下其他口味嘅Pizza。